ಸುದ್ದಿಲೈವ್/ಶಿವಮೊಗ್ಗ
ಲಾರಿ ಮತ್ತು ಬಸ್ ಟರ್ಮಿನಲ್ ಗಳಿಗೆ ಜಾಗಕೊಡಿ ಎಂದು ಒತ್ತಾಯಿಸಿ ಇಂದು ಲಾರಿ ಮಾಲೀಕರ ಒಕ್ಕೂಟ ಹಾಗೂ ಬಸ್ ಮಾಲೀಕರ ಸಂಘ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದೆ.
ಈ ಹಿಂದೆ ಸರ್ಕಾರಿ ಜಾಗ ಇಲ್ಲದ ಕಾರಣ ಖಾಸಗಿ ಭೂಮಿಯನ್ನ‌ಬಳಸಿಕೊಂಡು ಟರ್ಕ್ ಟರ್ಮಿನಲ್ ನಿರ್ಮಿಸಲು ಯೋಜಿಸಲಾಗಿತ್ತು. ಹೊನ್ನಾಳಿ ರಸ್ತೆಯಲ್ಲಿ ಬರುವ ಗೋಂಧಿ ಮತ್ತು ತ್ಯಾವೆರ ಚಟ್ನಹಳ್ಳಿಯಲ್ಲಿ ಜಾಗ ಗುರುತಿಸಲಾಗಿತ್ತು.
ಹೊನ್ನಾಳಿ ರಸ್ತೆ, ಬೆಂಗಳೂರು ರಸ್ತೆಯಲ್ಲಿ ಬರುವ ಯಲವಟ್ಟಿ, ಸಾಗರ ರಸ್ತೆಯಲ್ಲಿ ಲಾರಿ ಟರ್ಮಿನಲ್ ನಿರ್ಮಿಸಲು ಜಿಲ್ಲಾಧಿಕಾರಿಗಳು ಸೂಡದಿಂದ ಡಿನೋಟಿಫೈ ಮೂಲಕ ಮಾಡಲು ಯೋಚಿಸಲಾಗಿತ್ತು. ಮತ್ತೆ ಇದನ್ನ ಕೈಗೆತ್ತಿಕೊಂಡು ಲಾರಿ ಮಾಲೀಕರಿಗೆ ಮತ್ತುಸಾರ್ವಜನಿಕರಿಗೆ ಅನುಕೂಲವಾಗುವಂತೆ ಕ್ರಮ ಜರುಗಿಸಲು ಮನವಿಸಲ್ಲಿಸಲಾಗಿದೆ.
ಬಸ್ ಮಾಲೀಕರ ಸಂಘವೂ ಸಹ ಖಾಸಗಿ ಬಸ್ ನಿಲ್ದಾಣದಲ್ಲಿ ಸ್ಥಳಾವಕಾಶ ಕಡಿಮೆಇದೆ. ಹಾಗಾಗಿ ಬಸ್ ಟರ್ಮಿನಲ್ ನಿರ್ಮಿಸಿಕೊಡುವಂತೆ ಮನವಿ ಸಲ್ಲಿಸಿದ್ದಾರೆ.
ಮನವಿ ಸಲ್ಲಿಸುವ ವೇಳೆ ಎಸ್ ಎಸ್ ಜ್ಯೋತಿ ಪ್ರಕಾಶ್ ಜಿಲ್ಲಾ ಬಸ್ ಮಾಲೀಕರ ಸಂಘದ ರಂಗಪ್ಪ, ತಲ್ಕೀನ್ ಅಹಮದ್, ಆರ್ ರುದ್ರೇಶ್ ಮೊದಲಾದವರು ಉಪಸ್ಥಿತರಿದ್ದರು
