ಸುದ್ದಿಲೈವ್/ಶಿವಮೊಗ್ಗ
ಹಳೆನಗರದ ಶ್ರೀಕಾಳಿಕಾಂಬ ರಸ್ತೆಯ ಮನೆಯೊಂದರಲ್ಲಿ ಶುಕ್ರವಾರ ಸಂಜೆ ಗ್ಯಾಸ್ ಸಿಲಿಂಡ‌ರ್ (Cylinder) ಸ್ಫೋಟಗೊಂಡು ದಂಪತಿ ತೀವ್ರ ಗಾಯಗೊಂಡಿದ್ದಾರೆ.
ಹೊಸಮನೆ ಮುಖ್ಯರಸ್ತೆಯ ಗೋಬಿ ಮಂಚೂರಿ ಅಂಗಡಿಮಾಲೀಕ ಕೇಶವ ಅವರು ಮನೆಯಲ್ಲಿ ಘಟನೆ ಸಂಭವಿಸಿದೆ. ಅಂಗಡಿಗೆ ಸಾಮಗ್ರಿ ತೆಗೆದುಕೊಂಡು ಹೋಗುವ ಮುನ್ನ ಮನೆಯ ಬಚ್ಚಲಿನಲ್ಲಿದ್ದ ಸಿಲಿಂಡರ್‌ನ್ನು ಆನ್‌ ಮಾಡಿದಾಗ ಬೆಂಕಿ ಹೊತ್ತಿಕೊಂಡು ಸ್ಫೋಟಗೊಂಡಿದೆ. ಗಾಯಗೊಂಡ ಕೇಶವ ಮತ್ತು ಅವರ ಪತ್ನಿ ಕನಕಲಕ್ಷ್ಮಿಯನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಘಟನೆಯಲ್ಲಿ ಮನೆಯಲ್ಲಿದ್ದ ಗೃಹೋಪಯೋಗಿ ವಸ್ತುಗಳು ಬೆಂಕಿಗಾಹುತಿಯಾಗಿವೆ. ಸ್ಥಳಕ್ಕೆ ಆಮಿಸಿದ ಅಗ್ನಿಶಾಮಕದಳ ಮುಖ್ಯಾಧಿಕಾರಿ ವಸಂತ ಕುಮಾ‌ರ್ ಮತ್ತು ಸಿಬ್ಬಂದಿ ಬೆಂಕಿ ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ.
