ಕಾಂತಾರ ಅಧ್ಯಾಯ-1 ಕ್ಕೆ ಫ್ಯಾನ್ಸ್ ಫಿದಾ- Fans are excited for Kantara Chapter-1

 SUDDILIVE || SHIVAMOGGA

ಕಾಂತಾರ ಅಧ್ಯಾಯ-1 ಕ್ಕೆ ಫ್ಯಾನ್ಸ್ ಫಿದಾ-ಕಾಂತಾರ ಅಧ್ಯಾಯ-1 ಕ್ಕೆ ಫ್ಯಾನ್ಸ್ ಫಿದಾ-  Fans are excited for Kantara Chapter-1  

ಕರುನಾಡಿನ ಅದರಲ್ಲೂ ಕರಾವಳಿ ದೈವಗಳನ್ನ ತೆರೆಗೆ ತಂದು ದೈವದಲ್ಲಿ ಪ್ರಕೃತಿಯಿದೆ. ದೈವನೇ ಈ ಅರಣ್ಯವನ್ನ ರಕ್ಷಿಸುವನು ಎಂದು ಪರಿಚಿಯಿಸಿದ್ದ ಕಾಣಮತಾರ ಅಧ್ಯಾಯ,-1 ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆ ಮಾಡಿದಂತೆ ಶಿವಮೊಗ್ಗದಲ್ಲೂ ರಿಲೀಸ್ ಆಗಿದೆ.

ಶಿವಮೊಗ್ಗದಲ್ಲಿ ಮಲ್ಟಿಫ್ಲೆಕ್ಸ್ ಮತ್ತು ಮಲ್ಲಿಕಾರ್ಜುನ ಚಲನಚಿತ್ರ ಮಂದಿರದಲ್ಲಿ ಬಿಡುಗಡೆಯಾಗಿದೆ. ನಿನ್ನೆ ಪ್ರೀಮಿಯರ್ ಶೋ ಬಿಡುಗಡೆ ಮಾಡಲಾಗಿತ್ತು. ಇಂದು ಬೆಳಿಗ್ಗೆ 7-30 ಕ್ಕೆ ಫ್ಯಾನ್ ಶೋ ಬಿಡುಗಡೆಯಾಗಿದೆ. ದರ್ಶನ್ ಸುದೀಪ್, ಯಶ್ ಅಭಿಮಾನಿಗಳಂತೆ ರಿಷಬ್ ಅಭಿಮಾನಿಗಳಂತೆ ಸೇರದಿದ್ದರು ಫ್ಯಾನ್ ಶೋ ಭರ್ತಿಯಾಗಿತ್ತು. ಕಾಂತಾರ ಅಧ್ಯಾಯ-2ರ ನಿರೀಕ್ಷೆಯಲ್ಲಿದ್ದ ಅಭಿಮಾನಿಗಳಿಗೆ ರಿಷಬ್ ಮತ್ತಷ್ಟು ದೈವದ ಅಭಿರುಚಿಯನ್ನ ಸೇರಿಸಿ ಚಲನಚಿತ್ರಕ್ಕೆ ಮೆರಗು ನೀಡಿದ್ದಾರೆ. ಫ್ಯಾನ್ಸ್ ಫಿದಾ ಆಗಿದ್ದಾರೆ.

ಚಲನಚಿತ್ರ ಮಂದಿರ ಮುಂಭಾಗದಲ್ಲಿ ಅಂಟಿಸಿರುವ ಪೋಸ್ಟರ್ ನೊಂದಿಗೆ ಫೊಟೊ ತೆಗೆಸಿಕೊಳ್ಳುವ ಮೂಲಕ ಅಭಿಮಾನಿಗಳು ಅಭಿಮಾನ ಮೆರೆದಿದ್ದಾರೆ. 

ಸಾಮಾಜಿಕ ಜಾಲತಾಣದಲ್ಲಿ ಅದರಲ್ಲೂ X ಖಾತೆಯಲ್ಲಿ ಕಾಂತಾರಕ್ಕೆ ಭರ್ಜರಿಯಾಗಿ ಹೊಗಳಿಕೆ ಕೇಳಿ ಬಂದಿದೆ. ಅಮುತಾ ಭಾರತಿ' ಎಂಬವರು ಚಿತ್ರದಲ್ಲಿ ತಂತ್ರಜ್ಞಾನದ ಅಳವಡಿಕೆ, ವಿಎಫ್‌ಎಕ್ಸ್ ಮತ್ತು ಕೊನೆಯ 30 ನಿಮಿಷಗಳ ಕ್ಲೈಮ್ಯಾಕ್ಸ್ ಅದ್ಭುತ ಎಂದು ಹೇಳಿದ್ದಾರೆ.

ಈ ನಡುವೆ ರಾಜ್ ತಿವಾರಿ ಎಂಬವರು, ಕಾಂತಾರ ಅಧ್ಯಾಯ 1 ಚಿತ್ರವನ್ನು ಆನಂದಿಸಲು ಸಾಧ್ಯವಾಗಿಲ್ಲ ಎಂದು ಕೊರಗಿದ್ದಾರೆ. ನನ್ನ ಕಿವಿ ಹಾಗೂ ತಲೆಗೆ ನೋವನ್ನುಂಟು ಮಾಡುತ್ತಿತ್ತು. ಚಿತ್ರದಲ್ಲಿ ಅನಗತ್ಯ ವಿಷಯಗಳು ಬಹಳಷ್ಟು ಇದ್ದು, ಹಾಸ್ಯ ಸನ್ನಿವೇಷ ಸರಿಯಾಗಿ ಮೂಡಿಬಂದಿಲ್ಲ. ಕಾಂತಾರ ಮೊದಲನೆಯ ಚಿತ್ರಕ್ಕೆ ಸಮಾನವಾದ ಕ್ಲೈಮ್ಯಾಕ್ಸ್ ಆಗಿದೆ ಎಂದು ಹೇಳಿದ್ದಾರೆ. 

ಭಾರತೀಯ ಚಿತ್ರರಂಗ ಕಂಡ ಅತ್ಯುತ್ತಮ ಕ್ಲೈಮ್ಯಾಕ್ಸ್' ಎಂದು 'ಲೆಕ್ಸ್ ಎಕ್ಸ್ ಒಟಿಟಿ ಗ್ಲೋಬಲ್' ಅಭಿಪ್ರಾಯಪಟ್ಟಿದೆ.ಕಾಂತಾರ ಮೊದಲ ಭಾಗದ ಕೊರತೆಯನ್ನು ಎರಡನೇ ಭಾಗದಲ್ಲಿ ನೀಗಿಸಲಾಗಿದೆ. ಮೊದಲನೇಯದಕ್ಕಿಂತಲೂ ಎರಡನೇ ಚಿತ್ರವನ್ನು ಹೆಚ್ಚು ಇಷ್ಟಪಟ್ಟಿದ್ದೇನೆ. ಇಂಟರ್ವಲ್ ಆದ ಬಳಿಕದ ದೃಶ್ಯಗಳು ಅದ್ಭುತವಾಗಿದೆ ಎಂದು 'ಟ್ರುತ್ ಸ್ಪೀಕರ್' ಎಂಬ 'ಎಕ್ಸ್' ಪುಟದಲ್ಲಿ ಬರೆಯಲಾಗಿದೆ.

ಕಥೆ ಹೇಳುವ ಹಾಗೂ ಅದನ್ನು ತೆರೆ ಮೇಲೆ ಬಿಂಬಿಸುವ ಅದ್ಭುತ ಕಲೆಯನ್ನು ರಿಷಬ್ ಹೊಂದಿದ್ದು, ಕ್ಲೈಮಾಕ್ಸ್ ಅಂತೂ ರೋಮಾಂಚನ ಮೂಡಿಸಿದೆ ಎಂದು ಅಭಿಮಾನಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಬರೆದುಕೊಂಡಿದ್ದಾರೆ.

'ನಿಜಕ್ಕೂ ಇದೊಂದು ಮರೆಯಲಾಗದ ಅನುಭವ. ಎಂತಹ ಕೈಮ್ಯಾಕ್ಸ್, ಬಿಗ್ ಸ್ಕ್ರೀನ್‌ನಲ್ಲಿ ಮಿಸ್ ಮಾಡದೇ ನೋಡಲೇಬೇಕಾದ ಮೂವೀ' ಎಂದು ಸಿನಿಮಾ ಪ್ರಿಯರಾದ ನಿತಿನ್ ತಿಳಿಸಿದ್ದಾರೆ.

ಈ ಸಿನಿಮಾದಲ್ಲಿ ರಿಷಬ್‌ ಶೆಟ್ಟಿ, ರುಕ್ಮಿಣಿ ವಸಂತ್‌ ಮುಖ್ಯಭೂಮಿಕೆಯಲ್ಲಿದ್ದು, ಮಲಯಾಳ ನಟ ಜಯರಾಮ್‌, ಕನ್ನಡಿಗರೇ ಆದ ಬಾಲಿವುಡ್‌ ನಟ ಗುಲ್ಶನ್‌ ದೇವಯ್ಯ ತಾರಾಬಳಗದಲ್ಲಿದ್ದಾರೆ.

Fans are excited for Kantara Chapter-1