SUDDILIVE || BANGALORE
ನಂದಿನಿ ತುಪ್ಪ, ಬೆಣ್ಣೆ ದುಬಾರಿ: ತುಪ್ಪಕ್ಕೆ ₹90, ಬೆಣ್ಣೆಗೆ ₹26 ಹೆಚ್ಚಳ-Nandini Ghee, butter expensive: ₹90 for ghee, ₹26 for butter
ಬೆಂಗಳೂರು: ಕರ್ನಾಟಕ ಹಾಲು ಮಹಾಮಂಡಳ (KMF) ನಂದಿನಿ ಬ್ರ್ಯಾಂಡ್ನ ತುಪ್ಪ ಮತ್ತು ಬೆಣ್ಣೆಯ ದರವನ್ನು ಏರಿಕೆ ಮಾಡಿದೆ. ಪರಿಷ್ಕೃತ ದರಗಳು ತಕ್ಷಣದಿಂದಲೇ ಜಾರಿಗೆ ಬಂದಿವೆ ಎಂದು ಕೆಎಂಎಫ್ ತಿಳಿಸಿದೆ.
ಕೆಎಂಎಫ್ ಪ್ರಕಟಿಸಿರುವ ಹೊಸ ದರದ ಪ್ರಕಾರ, ನಂದಿನಿ ತುಪ್ಪದ ಪ್ರತಿ ಲೀಟರ್/ಕೆಜಿಗೆ ₹90 ಹೆಚ್ಚಳ ಮಾಡಲಾಗಿದ್ದು, ಈವರೆಗೆ ₹610 ಇದ್ದ ದರವು ಇದೀಗ ₹700ಕ್ಕೆ ಏರಿಕೆಯಾಗಿದೆ. ಅದೇ ರೀತಿ ನಂದಿನಿ ಬೆಣ್ಣೆಯ ಪ್ರತಿ ಕೆಜಿಗೆ ₹26 ಹೆಚ್ಚಳ ಮಾಡಲಾಗಿದ್ದು, ₹544 ಇದ್ದ ಬೆಲೆ ಈಗ ₹570 ಆಗಿದೆ.
ದರ ಏರಿಕೆಗೆ ಕಾರಣವಾಗಿ ಹಾಲಿನ ಸಂಸ್ಕರಣೆ ಮತ್ತು ಉತ್ಪಾದನಾ ವೆಚ್ಚ ಹೆಚ್ಚಳ, ಹಾಲು ಉತ್ಪಾದಕರಿಗೆ ನೀಡುತ್ತಿರುವ ಹೆಚ್ಚುವರಿ ದರದ ಸಂಪೂರ್ಣ ಲಾಭವನ್ನು ರೈತರಿಗೆ ತಲುಪಿಸುವ ಅಗತ್ಯ ಹಾಗೂ ಮಾರುಕಟ್ಟೆಯಲ್ಲಿನ ಇತರೆ ಬ್ರ್ಯಾಂಡ್ಗಳ ಬೆಲೆಗಳಿಗೆ ಅನುಗುಣವಾಗಿ ದರ ಪರಿಷ್ಕರಣೆ ಅನಿವಾರ್ಯವಾಗಿದೆ ಎಂದು ಕೆಎಂಎಫ್ ಸ್ಪಷ್ಟಪಡಿಸಿದೆ.
ಕೆಎಂಎಫ್ ಪ್ರಕಾರ, ದರ ಏರಿಕೆಯ ನಂತರವೂ ನಂದಿನಿ ತುಪ್ಪ ಮತ್ತು ಬೆಣ್ಣೆ ಇತರ ಖಾಸಗಿ ಬ್ರ್ಯಾಂಡ್ಗಳಿಗೆ ಹೋಲಿಸಿದರೆ ಸ್ಪರ್ಧಾತ್ಮಕ ಹಾಗೂ ಕೈಗೆಟಕುವ ದರದಲ್ಲೇ ಲಭ್ಯವಿರಲಿವೆ.
Nandini Ghee, butter expensive: ₹90 for ghee, ₹26 for butter
![](https://blogger.googleusercontent.com/img/b/R29vZ2xl/AVvXsEhm4tcH2cOcY_39fgoZI_d_VF6W97CMckL_Y3akHbFjGNsoThgwWo-BTylY8q3AbAOZiMjIDLeUto6Zk5g2uuszOv0N3iosna-KZ5HlCp3uZe9pBnlGbfDK9vZiQKsES3drKWM_nqK2iDeYtHN82nGQYhl7R_vgJ1nc3dHbQpw3kVAge75flwRapidjWTc/s1600/1000351140.jpg")
