ಗಣಪತಿ ಹಬ್ಬಕ್ಕೆ ಮೂರ್ತಿಗಳ ಮಾರಾಟ ಜೋರು

 

ಸುದ್ದಿಲೈವ್/ಶಿವಮೊಗ್ಗ

ನಗರದ ಸೈನ್ಸ್ ಮೈದಾನದಲ್ಲಿ ಗಣಪತಿ ಮೂರ್ತಿ ಮಾರಾಟ ಭರದಿಂದ ಸಾಗಿದೆ. ಮನೆಯಲ್ಲಿ ಕೂರಿಸುವ ಮೂರ್ತಿಗಳು, ಪೆಂಡಾಲ್ ನಲ್ಲಿ ಕೂರಿಸುವ ಮೂರ್ತಿಗಳ ಮಾರಾಟ ಭರದಿಂದ ಸಾಗಿದೆ. 

ಪೆಂಡಾಲ್ ಗಳಲ್ಲಿ 1½ ಅಡಿ ಮೂರ್ತಿಗಳಿಂದ ಹಿಡಿದು 4 ಅಡಿ ಗಣಪ,  6 ಅಡಿ ಗಣಪನನ್ನ ಕೂರಿಸಲಾಗುತ್ತಿದೆ. 1½ ಅಡಿ ಗಣಪನಿಗೆ 2.500 ರೂ.ನಗದು ನಿಗದಿಯಾಗಿದೆ. ಮೂರ್ತಿಯ ಅಲಂಕಾರ ಹೆಚ್ಚಾಗಿದ್ದರೆ ಅಧಿಕ ಹಣ ನಿಗದಿಯಾಗಿದೆ. 4 ಅಡಿ ಗಣಪನಿಗೆ 6 ಸಾವಿರಕ್ಕೆ ಮಾರಾಟ ಮಾಡಲಾಗುತ್ತಿದೆ. ಅದೂ ಸಹ ಅಲಂಕಾರ ಕಡಿಮೆ ಇದ್ದರೆ ಈ ಹಣ ಇಲ್ಲವಾದಲ್ಲಿ ನಗದು ಜಾಸ್ತಿ

ಅಡಿಗಳಲ್ಲಿ  ಗಣಪನೇ ಕೊನೆಯ ಅಡಿನೇ 6 ಅಡಿಯಾಗಿರುವುದರಿಂದ 18 ಸಾವಿರ -20 ಸಾವಿರದಿಂದ ಆರಂಭವಾಗಿದೆ.  1½ ಅಡಿ 1200 ರಿಂದ 5000 ರೂ.ಗೆ ಮಾರಾಟಬಾಗುತ್ತಿದೆ. ಮೈದಾನದಲ್ಲಿ  50 ಕ್ಕೂ ಹೆಚ್ಚು ಪೆಂಡಾಲ್ ಹಾಕಲಾಗಿದೆ. 

ನ್ಯಾಮತಿ, ಕುಂಸಿ,  ಚನ್ನಗಿರಿ, ಹೊನ್ನಾಳಿ ಕಡೆಯಿಂದ ಮಾರಾಟಕ್ಕೆ ಪೆಂಡಾಲ್ ಹಾಕಲಾಗಿದೆ. ಸಂಜೆಯ ವರೆಗೂ ಗಣಪತಿ ಕೊಂಡಯ್ಯಲಾಗುತ್ತಿದೆ. ರಾಮೇನಕೊಪ್ಪದ 5 ಅಡಿ ಗಣಪನಿಗೆ 12½ ಸಾವಿರ ರೂ.ಗೆ ಮಾರಾಟವಾಗಿದೆ. ಎತ್ತಿನ ಮೂತಿಯ ಮೇಲೆ ಗಣಪನ ಅಲಂಕಾರ ಇರುವುದರಿಂದ ಇದರ ಬೆಲೆ ಹೆಚ್ಚಾಗಿದೆ.

ಮನೆಗಳಿಗೆ ಪರಿಸರ ಸ್ನೇಹಿ ಗಣಪನನ್ನ ಕೊಂಡಯ್ಯಲಾಗುತ್ತಿದೆ. 500 ರೂ.ನಿಂದ ಮೂರು ಸಾವಿರದ ಗಣಪತಿ ಮೂರ್ತಿ ಮಾರಾಟವಾಗುತ್ತಿದೆ. ಇಲ್ಲೂ ಸಹ ಅಕಂಕಾರ ಹೆಚ್ಚಾದರೆ ಹಣ ಹೆಚ್ಚಾಗಲಿದೆ.