ಕಾಂಗ್ರೆಸ್ ಸರ್ಕಾರದ ಮೊದಲ ವಿಕೆಟ್ ಪತನದ ಜೊತೆ ಅಂತ್ಯವೂ ಆಗಲಿದೆ-ಚೆನ್ನಿ ಭವಿಷ್ಯ- Congress government will end with the fall of its first wicket - Chenni predicts

SUDDILIVE || SHIVAMOGGA

ಕಾಂಗ್ರೆಸ್ ಸರ್ಕಾರದ ಮೊದಲ ವಿಕೆಟ್ ಪತನದ ಜೊತೆ ಅಂತ್ಯವೂ ಆಗಲಿದೆ-ಚೆನ್ನಿ ಭವಿಷ್ಯ- Congress government will end with the fall of its first wicket - Chenni predicts   

ಶಿವಮೊಗ್ಗ: ಸಚಿವ ರಾಮಲಿಂಗಾ ರೆಡ್ಡಿ ರಾಜೀನಾಮೆ ವಿಚಾರಕ್ಕೆ ಸಂಬಂಧಿಸಿದಂತೆ ಶಿವಮೊಗ್ಗ ಶಾಸಕ ಎಸ್.ಎನ್. ಚನ್ನಬಸಪ್ಪ ತೀವ್ರ ಪ್ರತಿಕ್ರಿಯೆ ನೀಡಿದ್ದು, ಕಾಂಗ್ರೆಸ್ ಸರ್ಕಾರದ ಸ್ಥಿರತೆ ಕುರಿತು ಪ್ರಶ್ನೆ ಎತ್ತಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ಡಿ.ಕೆ. ಶಿವಕುಮಾರ್ ಸರ್ಕಾರದ ಮೊದಲ ವಿಕೆಟ್ ಪತನವಾಗಿದೆ. ಅಭಿವೃದ್ಧಿ ಕಾರ್ಯಗಳಿಗೆ ಹೆಚ್ಚಿನ ಒತ್ತು ನೀಡಿ ಯಶಸ್ವಿಯಾಗಲಿ ಎಂದು ನಾವು ಶುಭ ಹಾರೈಸಿದ್ದೆವು. ಆದರೆ ಅಭಿವೃದ್ಧಿ ಕೆಲಸಗಳ ಬಗ್ಗೆ ಮಾತನಾಡುವಷ್ಟರಲ್ಲೇ ಮೊದಲ ವಿಕೆಟ್ ಬಿದ್ದಿದೆ" ಎಂದು ವ್ಯಂಗ್ಯವಾಡಿದರು.

ಕಾಂಗ್ರೆಸ್ ಪಕ್ಷದ ಒಳಗಿನ ಅಸಮಾಧಾನವನ್ನು ಉಲ್ಲೇಖಿಸಿದ ಅವರು, "ಒಂದೊಂದೇ ವಿಕೆಟ್ ಪತನವಾಗುವ ಸ್ಥಿತಿ ನಿರ್ಮಾಣವಾಗಿದೆ. ಕಾಂಗ್ರೆಸ್‌ನ ಒಟ್ಟು ಹೊಲಿಗೆ ಸರಿಯಾಗಿಲ್ಲ ಎಂಬುದು ಮೇಲ್ನೋಟಕ್ಕೆ ಕಾಣುತ್ತಿದೆ. ಮನಸ್ಸುಗಳು ಗಟ್ಟಿಯಾಗದೇ ಇದ್ದರೆ ಯಾವುದೇ ಸರ್ಕಾರ ಉಳಿಯಲು ಸಾಧ್ಯವಿಲ್ಲ" ಎಂದು ಹೇಳಿದರು.

ಇದೇ ವೇಳೆ ದೆಹಲಿ ನಾಯಕರ ಮಧ್ಯಸ್ಥಿಕೆಯ ಮೇಲೂ ಟೀಕೆ ಮಾಡಿದ ಚನ್ನಬಸಪ್ಪ, "ದೆಹಲಿಯಿಂದ ಎಷ್ಟು ನಾಯಕರು ಬಂದರೂ, ಎಷ್ಟು ಗಟ್ಟಿಯಾದ ದಾರದ ಹೊಲಿಗೆ ಹಾಕಿದರೂ ಅದು ಪಟ್ ಅಂತ ಕಿತ್ತುಹೋಗುತ್ತದೆ. ಯಾಕೆಂದರೆ ಒಳಗಿನ ಭಾವನೆಗಳು ಬೇರೆಬೇರೆ ಇವೆ" ಎಂದು ಕಿಡಿಕಾರಿದರು.

ರಾಜ್ಯದ ಜನರ ಹಿತಾಸಕ್ತಿಯನ್ನು ಗಮನದಲ್ಲಿಟ್ಟುಕೊಂಡು ಸರ್ಕಾರ ಕಾರ್ಯನಿರ್ವಹಿಸಬೇಕೆಂದು ಸಲಹೆ ನೀಡಿದ ಅವರು, "ರಾಜ್ಯದ ಜನರಿಗೆ ಅನ್ಯಾಯವಾಗದಂತೆ ಸರ್ಕಾರ ನಡೆಸಿ ಎಂದು ಜನರು ಬಹುಮತ ನೀಡಿದ್ದಾರೆ. ಈಗ ಮೊದಲ ವಿಕೆಟ್ ಪತನದಿಂದ ಆರಂಭವಾಗಿದೆ, ಅದರ ಅಂತ್ಯವೂ ಆಗಲಿದೆ. ಡಿ.ಕೆ. ಶಿವಕುಮಾರ್ ತಮ್ಮ ಸಚಿವ ಸಂಪುಟವನ್ನು ಸಂರಕ್ಷಣೆ ಮಾಡಿಕೊಂಡು ರಾಜ್ಯದ ಜನರ ಹಿತ ಕಾಪಾಡಲಿ" ಎಂದು ಹೇಳಿದರು.

ಮುಖ್ಯಾಂಶಗಳು

• ಸಚಿವ ರಾಮಲಿಂಗಾ ರೆಡ್ಡಿ ರಾಜೀನಾಮೆ ಕುರಿತು ಚನ್ನಬಸಪ್ಪ ಪ್ರತಿಕ್ರಿಯೆ
• "ಡಿ.ಕೆ. ಶಿವಕುಮಾರ್ ಸರ್ಕಾರದ ಮೊದಲ ವಿಕೆಟ್ ಪತನ" ಎಂದು ಹೇಳಿಕೆ
• ಕಾಂಗ್ರೆಸ್ ಒಳಗಿನ ಅಸಮಾಧಾನವೇ ಸಂಕಷ್ಟಕ್ಕೆ ಕಾರಣ ಎಂದ ಆರೋಪ
• "ಮೊದಲ ವಿಕೆಟ್ ಬಿದ್ದಿದೆ, ಅಂತ್ಯವೂ ಆಗಲಿದೆ" ಎಂದು ಭವಿಷ್ಯ ನುಡಿ
• ಸಚಿವ ಸಂಪುಟ ಉಳಿಸಿಕೊಳ್ಳುವಂತೆ ಡಿಕೆಶಿಗೆ ಸಲಹೆ

"ಕಾಂಗ್ರೆಸ್‌ನ ಹೊಲಿಗೆ ಗಟ್ಟಿಯಾಗಿಲ್ಲ, ಒಂದೊಂದೇ ವಿಕೆಟ್ ಬೀಳಲಿದೆ" ಎಂಬ ಚನ್ನಬಸಪ್ಪ ಹೇಳಿಕೆ ರಾಜ್ಯ ರಾಜಕೀಯದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ.

Congress government will end with the fall of its first wicket - Chenni predicts