![](https://blogger.googleusercontent.com/img/b/R29vZ2xl/AVvXsEhm4tcH2cOcY_39fgoZI_d_VF6W97CMckL_Y3akHbFjGNsoThgwWo-BTylY8q3AbAOZiMjIDLeUto6Zk5g2uuszOv0N3iosna-KZ5HlCp3uZe9pBnlGbfDK9vZiQKsES3drKWM_nqK2iDeYtHN82nGQYhl7R_vgJ1nc3dHbQpw3kVAge75flwRapidjWTc/s1600/1000351140.jpg")
SUDDILIVE || SHIVAMOGGA
ಸಚಿವ ಮಧು ಬಂಗಾರಪ್ಪನವರಿಗೆ ಜಿಲ್ಲ ಬಿಜೆಪಿ ಯುವಮೋರ್ಚದ ಪ್ರ.ಕಾ. ನಿತಿನ್ ಆಕ್ಷೇಪವೇನು? What is the objection of District BJP Youth Front P.K. Nitin to Minister Madhu Bangarappa?
ರಾಜ್ಯದ ಮತ್ಸದ್ದಿ ಹಿರಿಯ ರಾಜಕೀಯ ನಾಯಕರಾದ ಆರಗ ಜ್ಞಾನೇಂದ್ರರವರ ಬಗ್ಗೆ ಕೆಳ ಹಂತದ ಭಾಷೆ ಬಳಸಿದ ಮಾನ್ಯ ಶಿಕ್ಷಣ ಸಚಿವರ ವಿರುದ್ಧ ಬಿಜೆಪಿ ಯುವಮೋರ್ಚಾದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನಗರದ ನಿತಿನ್ ಆಕ್ಷೇಪಿಸಿದ್ದಾರೆ.
ನೀವೊಬ್ಬರು ರಾಜ್ಯದ ಮಕ್ಕಳ ಭವಿಷ್ಯ ರೂಪಿಸುವ ಶಿಕ್ಷಣ ಇಲಾಖೆಯ ಸಚಿವರಾಗಿ ಹಿರಿಯ ನಾಯಕರ ಬಗ್ಗೆ ನೀವು ಬಳಸಿದ ಭಾಷೆ ನಿಮಗೆ ಶೋಭೆ ತರುವಂತದ್ದಲ್ಲ. ತೀರ್ಥಹಳ್ಳಿಯ ಕಾಂಗ್ರೆಸ್ಸಿನ ಯುವ ಸಮಾವೇಶದಲ್ಲಿ ನಿಂತು ನೀವು ಈ ನೆಲದ ಜನಸಾಮಾನ್ಯರ ನಾಯಕರಾದ ಆರಗ ಜ್ಞಾನೇಂದ್ರರ ವ್ಯಕ್ತಿತ್ವಕ್ಕೆ ಕುಂದುಂಟುಮಾಡುವಂತೆ ಏಕವಚನದಲ್ಲಿ ಬಾಯಿಗೆ ಬಂದಂತೆ ಮಾತಾಡಿದೀರಿ.
ನೀವು ನಿಮ್ಮ ಪಕ್ಷದ ಯುವಕರಿಗೆ ಯಾವ ಸಂದೇಶ ನೀಡಿದೀರಿ.? ಮಲೆನಾಡು ಪ್ರಜ್ಞಾವಂತಿಕೆಯ ನಾಡು ಇಲ್ಲಿ ವೈಚಾರಿಕ ಭಿನ್ನಾಭಿಪ್ರಾಯ ಏನೆ ಇದ್ದರು ವೈಯಕ್ತಿಕ ನಿಂದನೆಗಳು ಸಹ್ಯವಲ್ಲ. ಇಂತಹ ನೆಲದಲ್ಲಿ ನಿಮ್ಮ ತಂದೆಯವರು ಧೀಮಂತ ನಾಯಕರಾದ ಬಂಗಾರಪ್ಪನವರ ಒಡನಾಡಿಗಳು ಅವರಿಂದಲೂ ಕೂಡ ಗೌರವ ಸಂಪಾದಿಸಿದವರಾದ ಜ್ಞಾನೇಂದ್ರರವರ ಬಗ್ಗೆ ವಯಸ್ಸಿನ ಗೌರವವೂ ಇಲ್ಲದೆ ನೀವು ಬಳಸಿದ ಪದಗಳು ಅಕ್ಷಮ್ಯವೆನಿದಿದೆ.
ಇಂತಹ ನಿಮ್ಮ ಹೇಳಿಕೆಯನ್ನು ಈ ನೆಲದ ಪ್ರಜ್ಞಾವಂತಿಕೆಯನ್ನು ನೆನಪಿಟ್ಟುಕೊಂಡು ಗೌರವಯುತವಾಗಿ ಖಂಡಿಸುತ್ತೇನೆ. ಮುಂದಾದರು ಇಂತಹ ಹೇಳಿಕೆ ನಿಮ್ಮ ಮೂಲಕ ಬಾರದಿರಲಿ ಎಂದು ಆಶಿಸಿದ್ದಾರೆ.
